शान्ति सिग्देल
नयाँ वर्ष उल्लास बोकेर आओस्
सिँगारी धरा बेहुलीझैँ सजाओस् ।
टिपी पुष्प गुच्छा कुनाकन्दराका
बनी किन्नरीझैँ चरीले लगाओस् ।
सधैँ कोइलीको मिठो गीत सुन्दै
धरा यो नयाँ वर्षमा छम्छमाओस् ।
नयाँ पालुवा वा लता मञ्जरीले
सुधा प्रेम वर्षा गराई पठाओस् ।
यहाँ शोकले पिल्सिएकाहरूमा
सधैँ शान्तिको मन्त्र मात्रै सुनाओस् ।
दुर्गा पौडेल तिनपा ३ शंकरनगर आहा ! क्या सुन्दर छ मेराे देश। उच्च हिमाली श्रृंखला,…
मचिन्द्र खत्री आऊ रमाऊँ अब भो प्रभात छन् कर्म गर्ने जनहीत हात। जो कर्म गर्लान्…
डा छायादत्त न्यौपाने (साँझपखकाे समय, बत्ती बलेको छ । पढाइ विषयमा साथीकाे तर्कले तानेर सचिनलाई…