“पढ्न छोड्दिनँ”

गंगा खड्का
बूढानीलकण्ठ ,काठमाडौँ

जाडो भए पनि म पढ्न छोड्दिनँ
उन्नतिको शिखरमा चढ्न छोड्दिनँ।

आगो बाली मकलमा पढ्न गर्छु सुरु
निकालेर किताबकापी लेख्छु खुरुखुरु।

सिरकमा गुटुमुटु हुन्छु कुनै बेला
अल्छी बनी अन्धकारको पर्नु छैन फेला।

गाम्मगुम्म लुगा लगाई धेरै जाडो छेक्छु
बाहनालाई पन्छाएर आफ्नो भाग्य लेख्छु।

दु:ख गर्न जाने मात्रै सुख होला साथी
जाडो जति पन्छाएर पढ्नु हुन्छ जाती।