युगल बसेल
सन्धिखर्क
हाल: चन्द्रागिरी११,काठमाडौँ
आजै र मैले घाँसै र काटेँ
भेडीको थुमेलाई
आहै भेडीको थुमेलाई
पहिलोमा चरण गाएको गीत
सिमे र भुमेलाई
आहै सिमे र भुमेलाई।
खोलीको माछो
झुट होइन साँचो
सिमे र भुमेलाई
आहै सिमे र भुमेलाई।
छुपुमा छुपु धानै र रोपौँ
हातमा बिउ छँदै
आहै हातमा बिउ छँदै
नानीले पौरख देखाइदिए है
बाबाको जिउ छँदै
आहै बाबाको जिउ छँदै
पातको बेरी
लौ भन फेरि
बाबाको जिउ छँदै
आहै बाबाको जिउ छँदै।
खनीमा खोस्री उकेरा लायौँ
मधिसे सिमिलाई
आहै मधिसे सिमीलाई
जहिले म हेर्छु पढेकै देख्छु
धन्यवाद तिमीलाई
आहै धन्यवाद तिमीलाई
कोदाली खन
लौ फेरि भन।
धन्यवाद तिमीलाई
आहै धन्यवाद तिमीलाई।
असारै मासको दबदबे हिलो
छि: मलाई घिन लायो
आहै छि: मलाई घिन लायो
नानीले पढ्दा
म भन्ने छैन
इ: मलाई रिन लायो
आहै इ: मलाई रिन लायो
पातै र मर्काम
लौ फेरि फरकाम
इ: मलाई रिन लायो
आहै इ:मलाई रिन लायो।
असार मासमा वनका पाखामा
आँकुरा पलाए
आहै आँकुरा पलाए
ए नानी बाबु ,गरे है जादु
नाम कीर्ति कमाए
आहै नाम कीर्ती कमाए
दैलोलाई घर्काऊ
लौ फेरि फर्काऊ
नाम कीर्ति कमाए
आहै नाम कीर्ति कमाए।
घनश्याम रेग्मी नानीहरू चित्र बनाउँदै थिए धर्सा खिची रङ्ग लगाउँदै थिए उत्साहका हार्दिक रङ्ग घोलिए…
अम्बिका धिताल भक्तपुर "बुबा, योगले साँच्चै जीवन बदल्छ ?" छोराले बिहानको सुनौलो घाममा आँखा चिम्लिरहेका…
योग दिवसका अवसरमा मुकुन्द शर्मा कार्यमा कुशल बन्नुपर्दछ जिन्दगी सरल चुन्नुपर्दछ वृद्ध बालक तथा युवाजन…
चेतनाथ दाहाल ज्ञानी भइ राम्रोसँग पढ बाबू नानी राम्रो लक्ष लिई अधि बढ बाबू नानी…
फेसबुक कवि बैत्यश्वर-६,दाेलखा कुरा बुझ बाबु नानी, बाबा भन्नुहुन्छ, ओैलाभाँच्दै आमा पनि, कामै गन्नुहुन्छ। चाँडै…