गणेश आत्रेय
मदनपोखरा, पाल्पा
रसिलो याम शरद् गयो पर।
शठ हेमन्त स-यो यतै वर॥
अँटिलो कार्तिक गो’ उतातिर।
कँसिलो मङ्सिर भो’ यतातिर॥
छ धरा धान झुली रमाइलो।
कृषिकर्मीकन भो’ घमाइलो॥
सब स्याहार्न जुटे गरागरा।
मजुरा मानिस ती दह्रादह्रा॥
धनधान्यादिकमा किसान छन्।
मनले शान्ति खुशी विमान छन्॥
छ भकारी सबका टनाटन।
रुपियाँ दाम कतै गनागन॥
महिना लग्न जुराउने छ यो।
तरुना वा तरुनी मिलानको॥
वरका वा परका जुराउँछन्।
सब वैवाहिकमा रमाउँछन्॥
अति गाह्रो ठिहिरो भयो सुरु।
महिना शीत र हुस्सुको गुरु॥
कुन यो मङ्सिर मासझैँ अरू।
दुख वा सौख्य भनौँ म के बरु?
रोजिना घिमिरे अँ, म हिँडिरहेछु… निरन्तर, निर्भीक र आफ्नै पदचापहरूको एउटा अमूर्त लयमा, जहाँ मेरो…
रेवतीरमण सापकोटा ओदालगढी,असम "तपाईँलाई थाहा छ आमा, हाम्रो यो सानो परिवारमा हामी चारजनाभित्र धेरै स्वार्थी…
इन्दिरा प्रयास बाला तरेली भरि झुल्झुलाई आयो शरद् फूल अहाे फुलाई सुम्पे छ सत्ता सब…
नेपाल बाल साहित्य समाजको आयोजना र भृकुटी सामुदायिक सिकाई केन्द्र को समन्वयमा ३१औ रास्ट्रीय…