रञ्जुश्री पराजुली
मेरा प्यारा बाबा
तिमी कता हरायौ
आउँछौ भनी कुरि बसेँ
तिमी आउँदै आएनौ
कता गयौ किन गयौ
फर्की किन आएनौ
नाना पापा मलाई चाहिन्न
तिमी मलाई चाहिन्छ
तिम्रो मुख हेर्ने दिन
आउनु पर्छ जसरी नि
मिठाई फलफुल ठिक्क पार्छु
तिम्ले खानु पर्छ नि
मुख छोपी आमा
तिम्लाई खोजि रुन्छिन्
तिमी नभएर हाम्रो घर
अँध्यारोमा डुबेको छ
तिम्री सानी मायालु
ज्ञानी छोरी हुँ म
राम्रो नाना मीठो खाना
बरु मलाई चाहिन्न
चाहिन्छ त केवल मलाई
केवल तिम्रो न्यानो काख
हात जोरी भिख माग्छु
देउ माता सङ्ग
बाढी पैरो हुत्याएर
हाम्लाई टुहुरो नपार
झट्ट देउ अहिले देउ
मेरा बाबालाई
हैन भने मलाई लग
जता लग्यौ मेरा बाबालाई
बाढीले लुड्याएर
कता लग्यो तिमीलाई
एक्लै तिम्लाई जान दिन्न
म पनि पछि लागेँ तिमीलाई खोज्दै।
