पुण्यप्रसाद घिमिरे
बैत्यश्वर-६ दाेलखा
लेखपढ रमाइलाे छ,
खेलकुद रमाइलाे छ,
याे धर्तिमा के रहेछ,
सुझबुझ रमाइलाे छ।
साथीसँग गफगाफ,
कुराकानी रमाइलाे छ,
रमाउन जान्नुपर्छ,
जिन्दगानी रमाइलाे छ।
नाना रङ्ग फूलहरू,
फूलबारी रमाइलाे छ,
लहलह धानबाला,
खेत टारी रमाइलाे छ।
स्याबासका तालीहरू,
आनिबानी रमाइलाे छ,
रमाउन जान्नुपर्छ,
जिन्दगानी रमाइलाे छ।
सबैजना मायाँ गर्ने,
परिवार रमाइलाे छ,
विद्यालय बाल रक्षक,
अधिकार रमाइलाे छ।
वनजङ्गल कलकल,
बग्ने पानी रमाइलाे छ,
रमाउन जान्नुपर्छ,
जिन्दगानी रमाइलाे छ।
घरखेत सकेकाे काम,
सघाउँदा रमाइलाे छ,
धुरूधुरू रूँदाखेरी,
फकाउँदा रमाइलाे छ।
हामी प्यारा बालबालिका,
आँखानानी रमाइलाे छ,
रमाउन जान्नुपर्छ,
जिन्दगानी रमाइलाे छ।
