पुस ४-५-६ र ७-८-९ गते ललितपुरको पाटन संग्राहलयमा आयोजना गरिएको दुई चरणको उपत्यकाव्यापी बालकथा लेखन कार्यशाला हिजो समापन गरिएको छ ।
समापन कार्यक्रममा ललितपुर महानगरपालिकाकी उपमेयर मञ्जली शाक्य प्रमुख अतिथि हुनुहुन्थ्यो ।
कार्यक्रमको अध्यक्षता नेबासासका उपाध्यक्ष विजयराज न्यौपाने गर्नुभएको थियो ।
यस्तै, अतिथिहरुमा साझा प्रकाशनका अध्यक्ष शेखर गिरी, प्रमुख मदन पुरस्कार गुठी तथा वरिष्ठ पत्रकार कनकमणि दिक्षित, नेबासास अध्यक्ष तथा प्रमुख प्रशिक्षक विजयराज आचार्य, ललितपुर महानगरपालिकाकी सामाजिक शाखा प्रमुख सरिता महर्जन, नेबासास सचिव भानु भट्टराई, महानगर प्याब्सनका अध्यक्ष अर्जुन महर्जन, नेबासास कार्यसमिति सदस्यहरु समन श्रेष्ठ र क्रान्ति पाण्डेलगायतको उपस्थिति रहेको थियो ।
कार्यक्रममा पाटन संग्राहालय अफिसर सुरेशकुमार लाखेले स्वागत मन्तव्य राख्नुभएको थियो ।
पाँच जना बालबालिकाले कार्यशालमा लेखिएका बाल कथा वाचन गर्नुभएको थियो भने पाँचै जनाले कार्यशालाको अनुभव बाँड्नु भएको थियो ।
कार्यक्रममा मोनिता गुरुङले धन्यवाद ज्ञापन गरी कार्यक्रमका अध्यक्षबाट सभा समापन गरिएको थियो ।
रोजिना घिमिरे अन्धकारको यो अनन्त सुरुङभित्र उभिएर म आफ्नै अस्तित्वको ढकढक्याहट सुनिरहेको छु। गुरु, तपाईँले…