शान्ति सिग्देल
लगाएर सारी चिटिक्कै परेकी
सयौँ फूललेझैँ छ शोभा छरेकी
प्रभा चाँदनी वा खुलेझैँ बिहानी
तिमी भित्र छन् लाख राम्रा कहानी।
हँसाएर बोल्ने सुधा प्रेम घोल्ने
बडो दिव्य बानी कलाकुञ्ज खोल्ने
तिमी स्वर्गकी अप्सरातुल्य नानी
तिमी भित्र छन् लाख राम्रा कहानी।
सुशिक्षा लिएकी तिमी सौम्य नारी
त्यसैले बनेकी सबैकी पियारी
तिमी प्रेम पाला उज्याली घरानी
तिमी भित्र छन् लाख राम्रा कहानी।
भए बिघ्न बाधा हटाएर आऊ
प्रिया यो मनैमा अटाएर आऊ
रमाई बसौँला हितैषी परानी
तिमी भित्र छन् लाख राम्रा कहानी।
छ हावा चलेको र पानी बहेको
नदीझैँ छ तिम्रो जवानी बहेको
झझल्को छ तिम्रै दिवा रात सानी
तिमी भित्र छन् लाख राम्रा कहानी।
घनश्याम रेग्मी "कहिल्यै बिरामी पर्नु भएको छ ?" कसैले प्रश्न गर्यो भने म लगायत…
शम्भु ढकाल सूर्याेदय न पा १२ आठघरे,इलाम "के गर्दै हुनुहुन्छ आमा ?" साँझपख छाेरीले फाेनमा…
शोभा कोइराला वसन्तकी सुन्दर पुष्प नारी लज्जा भएकी पनि दिव्य नारी नारी बिनाको घर नै…
सुरेशकुमार पाण्डे दाङ घोराही १८ "ओहो बालकले के काम गर्छ ?"- डाक्टर पुनितले रामेको हात…
गणेश आत्रेय मदनपोखरा,पाल्पा हाम्रो नाति छ हेर; अल्छी छैन ल हेर। प्रातः काल सबेर; उठ्छ…