गंगा खडका
बूढानीलकण्ठ , काठमाडौँ
बिहानै उठी आमाले
फर्याकफुरुक गर्नुभो
सरसामान किन्नलाई
बा बजार झर्नुभो ।
आज साउने सङ्क्रान्ति
दिदी भिनाजु आउने रे
बजारबाट बाले
मीठो मसिनो ल्याउने रे।
पण्डित बा नि आउनुभो
सिधा दान लिनलाई
सुख, शान्ति समृद्धिको
आशीर्वाद दिनलाई।
साथीभाइ बटुली
तिउरी लाउन भनेर
नङमा लेदो लाइदिएँ
तानीतानी म नेर।
भातसात खाएर
वनतिर जाने रे
लुतो फाल्ने सामान खोजी
घरघर लाने रे।
कुकरडाइनो ,पानीअमला
लुतेझार चाहिने रे
लुतो फाले राम्रोसँग
रोगबाट मुक्ति पाइने रे।
नाङ्लो ठटाई बेलुकी
अगुल्टो नि फाल्ने रे
कण्डारक राक्षसको
पूजा गरिहाल्ने रे।
उपियाँ जा रुपियाँ आइज
भन्न सके राम्रो रे
चलेको चलन नै
पहिल्यैदेखि हाम्रो रे।
सूर्य पनि दक्षिणतिर
यात्रा सुरु गर्छन् रे
लोकको हितमा
बीउबिजन छर्छन् रे।
घनश्याम रेग्मी नानीहरू चित्र बनाउँदै थिए धर्सा खिची रङ्ग लगाउँदै थिए उत्साहका हार्दिक रङ्ग घोलिए…
अम्बिका धिताल भक्तपुर "बुबा, योगले साँच्चै जीवन बदल्छ ?" छोराले बिहानको सुनौलो घाममा आँखा चिम्लिरहेका…
योग दिवसका अवसरमा मुकुन्द शर्मा कार्यमा कुशल बन्नुपर्दछ जिन्दगी सरल चुन्नुपर्दछ वृद्ध बालक तथा युवाजन…
चेतनाथ दाहाल ज्ञानी भइ राम्रोसँग पढ बाबू नानी राम्रो लक्ष लिई अधि बढ बाबू नानी…
फेसबुक कवि बैत्यश्वर-६,दाेलखा कुरा बुझ बाबु नानी, बाबा भन्नुहुन्छ, ओैलाभाँच्दै आमा पनि, कामै गन्नुहुन्छ। चाँडै…