रमेशचन्द्र घिमिरे
झिलिमिली इन्द्रेनीको रङ्ग जिउमा छरी
हामीसँग खेल्न आऊ आकाशकी परी।
हावासँग उड्दै मिठो गीत गाई आऊ
फूलैफूलले सजिएको नाना लाई आऊ।
रमाउँदै हाँसौँ गाऔँ नाचौँ सधैँभरि
यतै बास बस्न आऊ आकाशकी परी।
मेरो साथी तिमी बन्नू तिम्रो साथी बन्छु
तिमी आउँछ्यौ भन्ने कुरा साथीलाई नि भन्छु।
हात हल्लाई रमाउँदै जूनबाट झरी
हाम्रो साथी बन्न आऊ आकाशकी परी।
सेता सेता पखेटा छन् चम्किला छन् आँखा
यौटा मिठो गीत गाऊ झिकी नौलो भाका।
बादलुको बाटो हुँदै लिई हातमा छडी
फुर्फुर गरी नाच्न आऊ आकाशकी परी।
सुमन कडरिया चितवन “बुबा ! आज मानिसहरूले साच्चै नै हामीलाई भगवान् मानेर पूजा गर्छन् रे…