“आमा म स्कुल जान्छु”

तुलसी पण्डित

आमा म स्कुल जान्छु अब पढ्नलाई
ज्ञान गुन सिकिकन राम्रो हुनलाई।

सर मेडम आउनु हुन्छ कक्षा कोठामा
न जानेका कुरा सोध्छौ हाँसो ओठमा।

माया अझ गर्नु हुन्छ झनै सोधेमा
रिसाउनु पो हुन्छ क्यार कुरा काटेमा।

खुशी पनि हुनुहुन्छ राम्रो पढेमा
गाली झनै गर्नु हुन्छ झुटो बोलेमा।

भन्नुहुन्छ राम्रो पढ ज्ञानी बन नानी
मिठो बोल आदर गर हुन्छ राम्रो बानी।

कर्तव्य हो पढ्ने हाम्रो भुल्नु हुँदैन
लोभ सबै त्याग नानु चोर्नु हुँदैन।