“उड उड पुतली”

भलादमी भोला

उड उड पुतली पखेटा फिँजाइ
नाच नाच पुतली फूलमा रमाइ।

सधैं खुसी पुतली कसलाई देखेर
फूलको डाली हल्लिएन तिमले टेकेर
उड उड पुतली …………. ।

बिहानको घामले कोठा झलमल
बेला बेला कता जान्छौं हुन्छु अलमल।

खेल खेल पुतली मेरो वरिपरि
खाजा खाई पढ्न बस्छु घुम वरिपरि
उड उड पुतली …………….. ।

तिमी बास कता बस्छौं अँध्यारो भय
भेट फेरि हुन्छ हुन्न मन सारै रोयो।

उड उड पुतली पखेटा फिँजाइ
नाच नाच पुतली फूलमा रमाइ ।