नरिश्वर गौतम
हटिगयो धुलोमैलो
छैन कतै फोहोर
रङ्गीचङ्गी बत्तीले
रङ्गिए गाउँशहर।।
देउसीभैलो घन्काउँदै
साथीभाइ परिवार
पाक्दैछन् घरघरमा
रोटीका परिकार।।
सेलरोटी अनरसा
अर्सा खुर्मा फिनी
सिङ्कमारी खजुरी
ठेकुवा र झिनी।।
काग कुकुर गोरु-गाई
लक्ष्मीको पूजा गरेर
दिदिबहिनी दाजुभाई
मनमा खुशी भरेर।।
झिलीमिली बिजुली
दियो बत्ती पालामा
मखमली फूलका
माला लगाई गलामा।।
सप्तरङ्गी टीकाले
रङ्गिएका निधार
बालक-वृद्ध रमाउने
रमाइलो पर्व तिहार।।
महेन्द्र नेउपाने लोकन्थली,भक्तपुर आज भाइटिकाको दिन। बिहानै उठेर ड्रइङ रुमको सोफामा बसेको थिएँ। आँखा सिधै…
१. बालबालिकाको दिनचर्यामा परिवर्तन लामो बिदा भएपछि धेरै बालबालिकाको दिनचर्या घरमै सीमित हुन्छ। बिहान…
अन्जु चालिसे रुपान्जली तिमी आउँदैछौ रे, गाउँका गोरेटो हुँदै, पहाडमा घाम छर्दै, कसैको आँगनमा खुसी,…