“बिहानको घाम, जीवनको वरदान”

देवीलाल पण्डेय

बिहान बिहान चुरेतर्फ ध्यान गर्दागर्दै, पूर्वबाट उदाउँदै गरेको सूर्यको किरणले जब अनुहार छोइदिन्छ… त्यही क्षण लाग्छ — भगवान् आफैँले आशिष दिइरहनु भएको छ।
सूर्य, केवल प्रकृतिको एक तारा होइन, ऊ त साक्षात् जीवनदाताको रूप हो। उही घाम जसले अन्धकार चिरेर उज्यालो दिन्छ, त्यसले हाम्रो मनको निराशा पनि हटाउँछ।
बिहानको घाम ताप्दा शरीर तातिन्छ, तर आत्मा पनि तातिन्छ — ऊर्जा दिन्छ, सकारात्मक सोच भरिन्छ, अनि दिनभरको संघर्ष गर्न शक्ति मिल्छ।
हामी हरेक दिन सूर्य भगवानलाई नमस्कार गर्न बिर्सन्छौँ, तर ऊ त हरेक दिन बिना स्वार्थ उदाउँछन्, हामीलाई उज्यालो दिन। कत्ति महान् सेवा!
चुरेतर्फ ध्यान गरेर, प्रकृतिसँग एकाकार भएर, जब हामी घाम ताप्छौँ — त्यो क्षणमा तन मात्र होइन, मन र आत्मा पनि शुद्ध बन्छ।
हामी सबैले सक्दो बिहान सूर्य नमस्कार गरौँ, घाम तापौँ, अनि जीवनलाई सकारात्मक बनाऔँ।
सूर्य भगवानले जस्तै अरूलाई पनि उज्यालो बाँड्ने प्रयास गरौँ।