“साथ साथै जुट”

घनश्याम रेग्मी

देश हाँक्ने तिर्सनाका खात बोकी उठ
विकासको सिंढी लाऊ साथ साथै जुट ।
यो देशका भविष्य हौ कोपिला छौ आज
सुवासिलो फूल बन्नू दुनियाँको माझ
आज तिमी पढ्न जुटे देश जाग्छ भोलि
आज तिम्रो गीत सुने बोल्छ देश बोली ।
देश हाँक्ने ….. विकासका ….१
नेपालका वीर पुर्खा पानीबिनै लड्थे
यो देशको रक्षा गर्न किल्ला बनी जुट्थे
त्यही रगत बगेकोछ तिम्रा नशा भित्र
त्यहाँ पनि बनेकोछ त्यो कीर्तिको चित्र ।
देश हाँक्ने ….. विकासका …..२
ज्ञान विज्ञान खोतलेर एक एक सिक ज्ञान
गङ्गा पौडिएर तिमी मोती झिक
हाम्रो झन्डा उचा राख्न पक्कै जुट्छौ तिमी
आशा गरी बसेकोछ तिम्रो कर्म भूमि ।
देश हाँक्ने ….. विकासका ……३