“अपुत्रक”

लक्ष्मण ज्ञवाली
तिलोत्तमा न पा १
नीलगिरिपथ
शंकरनगर रूपन्देही

“एउटा छोरो जन्माउन पनि सकेन है माधौराजले।”
“कुलतार्ने कुरापनि पनि आकासकै फल जस्तो भयो उसलाई त ! बिचरा किस्मतमै रहेनछ।”
रामभजन र शिवपुजन बरगाछि चौतारीमा गफ चुट्दै थिए।
“आफूलाई बुझक्कड हुँ भन्ठान्ने आफ्ना हितैषी साथी भाइहरूबाटै त्यस्तो कुरा सुन्दा “उसको मन चसक्क भयो ।
“तीन तीन जना छोरीका लस्कर कसरी विहेदान उम्काउला ?”
रामभजनले उसको सम्वेदनशील अवस्थालाई खोतल्यो ।
“छोरा नै भएर पो के हुन्छर ? देखेनौ हरीभक्त सिर्वारको छोराको ताल ? गाँउलाई नै बदनाम गरेको ? त्यो भन्दा त माधौराज सयौ गुना खुसी छ! उसका छोरीहरू कति जेहेनदार लगनशील र सुसील छन्! पढाइमा पनि उत्कृष्ट छन्।” शिवपुजनले वास्तविकता उजागर गर्यो र भन्यो, “अरूको कुरा काट्नु व्यर्थ हो ।”
टाढैबाट उनीहरूका कुरासुनीरहेको माधौराजले मनमनै सोच्यो ,नानीहरू पढाईमा अब्बल निस्केका पनि छन् तर समाज यति अविवेकी ,रूढी ,पछौटे छ कि मलाई नामर्दको पगरी गुथाउँछ, अपुतो भन्छ । जानी बुझिकन मेरी श्रीमतीलाई समेत यसको कोखबाट छोरा जन्मनु भनेको “उनाय फूल्नु जस्तै हो “भनेर होच्याँउछ।
हो आज म यिनै मर्दहरूलाई मेरी छोरीको आज भईरहेको राष्ट्रिय वक्तृत्व कलाको कार्यक्रम देखाउन लैजान्छु।” माधौराज ,छोरी र आफ्ना समवयका साथीहरूलाई लिएर कार्यक्रम स्थल सम्मेलन केन्द्रमा पुग्यो । असाधारण बौद्धिक क्षमता भएकी निमावि स्तर की छात्रा जानुका छोरीको नाम उद्घोषकले ससम्मान आमन्त्रण गरे ।
देशभरबाट उपस्थिति रहेको उक्त भव्य सभामा जानुका मन्चमा उभिएर बाल अधिकारको पक्षमा महिला,अपाङ्ग,बृद्धबृद्धा, सहयोगापेक्षीको पक्षमा ,तमाम बेथिति बिकृति विसङ्गति र भ्रष्टाचार का बिरूद्धमा धुवाँधार प्रस्तुति दिईन् । उनको प्रस्तुतिमा समस्याको उठानमात्र थिएन समाधान का ठोस उपाय पनि थिए।
कार्यक्रममा देशको बागडोर सम्हालेकाहरूको बाक्लो उपस्थिति थियो।उनीहरूका अनुहार लज्जाबोधले निहुरिएका थिए। जानुकाको क्षमता को कदर भयो । वक्तृत्व कलामा उनी नेपाल प्रथम भइन् । तालीका गड्गडाहटका बिच जानुका सम्मानित र पुरस्कृत भइन।
“नामर्द अपुतो जस्ता लान्छनाले”आहत बनेको माँधौराजको छाती गर्वले चौडा भयो। उनका साथीहरू जो आफुलाई मर्द र पुत्रदा भनेर घमण्ड गर्थे ।आपसमा मुखामुख गर्दै भने, “जानुका जस्ता छोरी भए छोरा किन चाहियो ?”