“बाल गीत”

गुणनिधि घिमिरे
अमेरिका

हामी साना साना नानी खेलिरहने बानी
लेखपढ पनि गर्छौँ हामी जानी नजानी
नजानेको कुरा हामी सोध्छौँ गुरूलाई
मिली बस्छौँ दिदी बहिनी हामी दाजुभाइ ॥

साथीसँग मिलिजुली पढ्ने लेख्ने गर्छौँ
ज्ञानी भई बा आमाको दुःख कष्ट हर्छौँ
देशको विकास गर्नलाई हामी उठ्नु पर्छ
भोली भोलि नभनेर आजै जुट्नुपर्छ ॥

बाटो हिँड्दा सडकतिर हेर्छौँ दायाँ बायाँ
आफूभन्दा सानालाई गर्छौँ हामी माया
असल ज्ञानी मान्छे बन्ने लक्ष ठूलो हाम्रो
ज्ञानी बने हामीलाई सबले भन्छन् राम्रो ॥