मेल

श्री पोखरेल

बिरालोले ङ्यार्र गर्यो।
कुकुर झन् के कम । ङ्वार्र गर्यो।
स्कुलको चौरमा कुकुर र बिरालो झगडा गरिरहेका थिए।
कहिले कुकुरको भुकाइ, कहिले बिरालोको कर्राहट। स्कुले बालबालिकाहरू झ्यालबाट उत्सुकतापुर्वक कुकुर र बिरालोको झगडाको दृश्य नियाली रहेका थिए।
“कुकुर र बिरालो किन झगडिरहेको होलान् ?” साथीहरू तर्फ फर्किएर सन्तोष गुनगुनायो।
“सायद दुबैले एउटै हड्डी खान खोजेकोले होला,” सृजनाले भनिन्।
गुरु कक्षामा प्रवेश गर्नासाथ सन्तोषले जुरुक्क उठेर सोध्यो- “गुरु ! कुकुर र बिरालो किन मिल्न नसकेका।” गुरुले मुस्कुराउँदै भन्नुभयो- “दुबै जनाले आफ्नो अधिकार मात्रै हेरेभने झगडा हुन्छ। जब अरूको आवश्यकता पनि बुझिन्छ, तब मेल हुन्छ।”
“हामी पनि साथीहरूसँग झगडा गर्दा सधैँ आफैँ ठिक छु भन्छौँ नि होइन त गुरु ?” सृजनाले भनिन्।