समीक्षा दुलाल
बाल विकास बोर्डिङ हाइ स्कुल
कक्षा :७
बूढानीलकण्ठ ,काठमाडौँ
पत्रैपत्र परेर आहा फुलेपछि
सयपत्रीको थुङ्गामा मौरी डुलेपछि
रमाइलो हुन्छ झन् घरको सेरोफेरो
फूलतिरै खिचिन्छ मन पनि मेरो ।
थरीथरीका रङ्गमा आकार पनि बेग्लै
सौन्दर्यले लठ्ठ भई टोलाउँछु एक्लै
छेउमै फुली मखमली थप्छ अझै रङ्ग
पुतली नि नाच्दैनाच्दै पर्छ रमाई दङ्ग
पूजा गर्न आमाले टिप्नुहुन्छ टपक्क
ढक्कीभरि राखेर मिलाइकन थपक्क
म पनि त के कम टिपिहाल्छु लुसुक्क
कपालको चुल्ठोमा घुसाइहाल्छु खुसुक्क।
हावा आई सुम्सुमाउँछ हल्लाउँदै डाली
मीठो बास्ना सबैतिर छर्छ हालीमुहाली
फुलेपछि सयपत्री दसैँ पक्कै आउँछ
जताततै उमङ्गको खुसियाली छाउँछ।
रम्भा पौडेल प्यारा भाइबैनीहरु ! यो असार महिना हो । अब असार पन्ध्र आउनैलाग्यो ।…
तुलसीराम खरेल बिर्तामोड झापा नयाँ सरकारले आइतबार छुट्टी गराएको थियो। नयाँ शैक्षिक सत्रमा आइतबार विद्यालय…
घनश्याम रेग्मी नानीहरू चित्र बनाउँदै थिए धर्सा खिची रङ्ग लगाउँदै थिए उत्साहका हार्दिक रङ्ग घोलिए…
अम्बिका धिताल भक्तपुर "बुबा, योगले साँच्चै जीवन बदल्छ ?" छोराले बिहानको सुनौलो घाममा आँखा चिम्लिरहेका…