“स्वार्थी प्रेम”

पुण्यप्रसाद घिमिरे
बैत्यश्वर-६ दाेलखा

लघुमायाँ अम्बरलाई खुबै मन पराउँथी । सुनेकी थिई अम्बर स्मार्ट छ धनी छ तर देखेकी थिईन । मनमनै कल्पनामा सजाउँथी । कुनै दिन फेसबुकमा झल्याकझुलुक अनुहार देखेकी थिई । अम्बर पनि पटक पटक फाेन गरिरहन्थ्याे ।उनीहरू छुट्नै नसक्ने जाेडी भैसकेका थिए ।
लघुमायाँलाई बाल्यकालमै पाेलियाे लागेकाेले एउटा खुट्टा खाेच्याएर हिड्ने गर्थी, शरीरभने हृष्टपुष्ट अनुहार धपक्कै बलेकाे थियाे । खुट्टाको फरक क्षमता भएपनि अमरजस्ताे सुन्दर केटा साथी पाउन लागेकीमा उ फुरूक्क थिई ।
अमर दिनरात कडा परिश्रम गर्थ्याे । राम्ररी पैसा कमाएकाे थियाे घर , गाडी , पैसा दाैलत, ईज्जत सब आर्जन गरेकाे थियाे । ऊ एक सच्चा जीवन साथीकाे खाेजीमा थियाे । लघुमायाँले अमरलाई भेट्ने कुरा गर्ने, विवाह गर्ने कुरामा खुबै ढिपी गर्दै गई । अमर पख पख भन्दै थियाे। उनीहरू दुईचार घण्टाकाे गाडीकाे बाटामा फरक स्थानमा बस्थे। उनीहरूकाे सम्पर्क फाेनकाे फेसबुक आइडीबाट भएकाे थियाे प्रत्यक्ष भेटघाट भएकाे थिएन । लघुमायाँकाे टिकटकमा कतै अलिकति खुट्टामा समस्या हाे कि भन्ने देखेकाेभने थियाे तर लघुमायाँकाे प्रेम र धपक्क बलेकाे मुहारले ऊ उनीलाई पाउन ब्यग्रथियाे । एकदिन एका्न्त स्थानमा भेट्ने सल्लाह भयाे ।
खमरलाई आज लघुमायाँकाे परीक्षा लिनुथियाे । रूपकी यती राम्री दिलमा कस्ती छन् त ? अमरले एकजना साथीसँगै लिएर सररर कारमा निश्चित स्थानमा गई बस्याे।
ताेकिएकै समयमा लघुमायाले आफ्नी मनपर्ने साथीलाई सहारा बनाई आईरहृकाे अमरले देख्याे।
साथीलाई कार मालिक बनायाे र आफू अक्टिजम भएकाे हात लल्याक लुलुक, मुख बाङ्गीएकाे अशक्त भएकाे अभिनय गरेर उभियाे । लघुमायाँले ताेकिएकाे स्थान आइपुगेर फाेन गरिन्।
“कता हाे, खैत देख्दिन त कहाँ हुनुहुन्छ ?” साेधी । म यही कारको छेउमा छु त नहेरी गयाै भन्दै अमरले  फाेन उठायाे। लघुुमायाँले पछाडि हेरी र साथीलाई भनी ” हैट के जिस्केकाे हाेला यस्ताे बिकलाङ्गले पनि।” फ्याल्ट्यक फ्याल्ट्या गर्दै अली अगाडि गएर फेरी फाेन गरी । अमरले फेरि फाेन उठायाे र भन्याे “म यही कारकाे छेउमा उभिएकाे मान्छे हुँ। ” लघुमायाँ फर्क्क फर्केर खुट्टा खोच्याउँदै आएर हैट तिमी यस्ताे थियाै भन्ने थाहा पाएकाे भए म प्रेम, विवाह गर्छु भन्ने नै थिइन धेकेवाज भन्दै अमरका गालामा चड्कन लाउन थाली ,चप्पलै चप्पलले खुब पिटेर आफू आएकै बाटाे फर्किई।
अमरले अभिनय छाेडेर वास्तविक बन्याे र भन्याे ” लघु फर्केर हेर त तिमी परीक्षामा असफल भयाै । मैले तिम्राे परीक्षाका लागि नाटक गरेकाे ।”
लघु फरक्क फर्कीएर आई गल्ती भएकाे माफ मागी, अनुराेध गरी । अममरले भन्याे, “तिमी दिलकी राम्री छैनाै विवाह हुन सक्दैन भन्दै साथीलाई कारमा राखेर सरर हिंड्याे।