तुलसी पण्डित
स्कूलबाट शिक्षकले छोरो मसिनेलाई घरमा सचेत गर्न खवर पठाए । यो थाहा पाएको बाबु थले मुर्मुरियो । आफ्नो सपनामा आघात भएको सम्झ्यो । उसले बेलुका आएर छोरो मसिनेलाई बोलायो ।
मसिने आएर भन्यो । “किन बाबा ?” “लौ खात चोर स्कूलमा चोरी काम गर्छस् अरे । फेरि सबै साथीहरुलाई कुट्ने पिट्ने गर्छस् अरे ?” बाबाले गालामा हानेको चोट उसले सहन सकेन । ऊ डाको छोडेर रोयो ।
आमा जुनु दौडदै आइन् । “के भो बाबु किन रोएको ?” “बाबाले गालामा बेस्कन पिट्नु भयो भन्दै ऊ झन् डाको छोडेर रुन लाग्यो ।
“आफूले जन्माउनु परे पो माया लाग्थ्यो र । किन पिटेको छोरालाई ?”
” हेर्न यसले स्कूलमा बदमास गर्यो अरे । सरहरुले खवर गरेका थिए ।” “सम्झाउने बुझाउने पो हो यसरी निर्दयी बनेर पिट्ने हो त ? अब आइन्दा यसरी पिटेको थाहा पाए म छोडपत्र गर्नेछु ?”
स्वास्नीको यो धम्कीले थलेको मनोवल गिर्यो । “ल म अब केही गर्ने छैन । छोरोलाई असल मान्छे बनाउँ भै हाल्यो ?”
” मेरो छोरो जस्तो सुकै बनोस् । तलाई केको सरोकार ।” यसरी आमाको माया पाएर मसिनेको आत्मवल बढ्यो । उसका अपराध बढ्दै गए ।
घरमा न पढ्ने । साथीहरुलाई पिट्पाट गर्ने । उसले गरेको कर्तुतको विभिन्न रिपोर्ट घरमा आए । आमा मनुले उनीहरुलाई नै तथानाम गाली गरिन् ।
“कहाँ छ मेरो छोरो त्यस्तो ? कति रिस गरेका हुन् सबैले उसको ।” यस्तो भन्दै जुनुले छोराको ढाकछोप गरिन् । केही समयपछि छोरो प्रहरीको खोरमा जाकिएको खवर आयो । आमाले कारण बुझिन् । छोरो त जग्स खाने र विभिन्न गिरोहको लागि ओसारपसार गर्ने गर्दो रहेछ ।
प्रहरीले भने । अब ऊ यो केशमा जेल पर्ने छ । जुनुले श्रीमान थलेलाई रुदै भनिन् । “ल न छोरालाई प्रहरीबाट छुटाउनु होस् । यो केश माथि गयो भने छोरो जेल पर्छ रे ।”
” हेर यो सबै तिम्रै कुकर्मको फल हो । बढी माया दिएपछि यस्तै हुन्छ ।”
धनसिंह विश्व गेजिंग, पश्चिम सिक्किम बिहान नानीहरुको निकै हो-हल्ला मचियो। गल्लीमा स-साना नानीहरु होलीको रंग…
होम सुवेदी बालिका निना सानैदेखि जिज्ञासु थिई। उसकाे हरेक बिहान घरकाे आँगन सफा गर्ने रुटिन…
ललिता ‘दोषी’ राष्ट्र हाँक्ने नेता आऊ बनाऊ अब देश हामी सबै एक भए फेरिन्छ नि…