मपाईँ

प्रेम पुन मगर
ढोरपाटन४बागलुङ हाल पोखरा

“म जस्तो कोही छैन। मान्छे त सबै म जस्तो हुनु पर्छ।” उसले आफ्नो महिमा आफैँ गायो। तर पनि
ऊ ठुलो अहोदामा भएकोले सबैले समर्थन जनाए।
ऊ नभएको समयमा साना अहोदाका मध्य एकले उही कुरा खोतल्यो।
“हाम्रो फलानो सरले के भनेका होलान्? को कस्तो छ ? सबैलाई थाहा छ त। त्यसरी आफ्नो महिमा आफैँले गाउनु त आफ्नो मान घटाउनु, होइन र ? खोई तिनले बुझेका?”
“हो त नि फूल मगमगाउनु पर्छ रे वरिपरि । मान्छे मगमगाउनु पर्छ रे संसारभरी।”
भर्खर सम्म गमक्क परेर बसेका थापाजीले मुख खोले।
“हो क्या हो तिनी घमण्डी रछन्।
तिनी भन्दा अझ राम्रा मान्छे कति छन् कति ? नभए पनि उनी जस्तै सबैलाई हुनु पर्छ भन्ने के छ ?”