रमेश प्रभात
चितवन
मेरो गाउँ सानो छ
कति उच्च छानो छ ।
नारायणी तीरमा
पर्छ मेरो गाउँ यो
हाँसी खुशी बसेर
रमाउने ठाउँ हो ।
छरछिमेक मिलेर
बस्छन् सबै गाउँले
सुख-दु:ख परेमा
टार्छन् मिली सबैले ।
गाउँघर सफा छ
फोहर हामी गर्दैनौँ
सफा गर्नु परेमा
पछि कोही सर्दैनौँ ।
मेरो सानो गाउँमा
तिमी पनि आऊ है
बाबा आमा लिएर
घुमिफिरी जाऊ है ।
मेरो गाउँ सानो छ
कति उच्च छानो छ ।
विपद्का कारण अभिभावक गुमाएका, परिवारबाट बिछोडिएका तथा असुरक्षित अवस्थामा पुगेका बालबालिकाको संरक्षणलाई राज्यको संस्थागत जिम्मेवारीका…
कृष्णशरण उपाध्याय पौडेल हामी जन्मनु पूर्व छल्छल थिए, सारा नदी का जल हाम्रो मृत्यु पछाडि…